هذه المقارنة تبين لكم كيف توصي الأم الهاي ولدها قبل الذهاب الى المدرسة وبالمقابل شوفو الأم الهظيك شو بتقول لأبنها
الأم الهاي: لا تنسى مامي تاكل الكورواسو في البريك
الأم الهظيك: يمه... صندويشة الزعتر بالكيس اوعه يلطشوها منك
الأم الهاي: خليك عالرسيف لبين ما ييجي الباس واوعا من هدول اللي بيشحتو
الأم الهظيك: بتروح عالمدرسة دوز دوغري ويا ويلك اذا بعرف انك شلفت اليوم
الأم الهاي: زي ما وسيتك ابعد عن الشلة النوتي اللي بتاكل السندويتش تبعك
الأم الهظيك: أوعى الاقيك ظارب الولاد زي امبارح هي معك شلن اشتري اللي بدك اياه وبلاش تاكل صندويشات صحابك غصبة عنهم
الأم الهاي: مامي لما ترجع ما رح تلاقيني في البيت عندي شغل متأخر اليوم خلي الشغالة تسخنلك البرغر
الأم الهظيك: بترجع من المدرسة عالدار على طول وبلاش صرمحة بالشوارع تراني عاملتلك صحن مجدرة من الآخر
الأم الهاي: على فكرة المس كتير زعلانه منك وبعتتلي مسج انك صاير نوتي في الصف
الأم الهظيك: ولا... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا
الأم الهاي: مامي لما تروح لا تقتع الشارع واستنى بابي لما يوصل
الأم الهظيك: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات
الأم الهاي: على فكرة انا كتير كتير upset منك قالوالي شافوا بالهاند باغ تبعك سجاير
الأم الهظيك: قال بتحمل موس بشنطتك ولك... ولك خليك عالشفرة وهيها مستورة
الأم الهاي: قول لسحابك ميمي وتوتو ييجوا على عيد ميلاد اختك نانا
الأم الهظيك: قول لصحابك عمر واسماعين ييجوا يتبلغصوا عنا بكرة حرام امهم ما بتعرف تعمل كرشات زينا
الأم الهاي: مامي خليك كلاس مع المس تبعك ولو دليت هيك بجبلك موبايل جديد
الأم الهظيك: اذا رجع هاظا الاستاذ وظربك بالعصاي لا تحكي معه واتركني اروح اتفاهم معه هو مفكرنا لاقينك بالشارع
الأم الهاي:كتبت شيك لاستاز اللانجلش والعربي والرياده وخليته مع الشغاله لما ييجوااعتيهم اياه... اففففف تاخرت عالجوكينغ عاجبك هيك هلأ سوسو بتدايأ
الأم الهظيك: الاستاذ اللي قالكو انه ممكن يعطيكوا دروس خصوصي قول له روح لاقي امي بكرة بالوزارة يا شاطر
Reply to Your PostDelete Post
... سجل وحياك الله معنا ... 
الرئيسية
أحدث الصور
موضوع: رد: دواوين + مصلحات الدوانجيه 
الثلاثاء مايو 19, 2009 9:19 pm
