المخلوق الارضي المزدهر في صراع مع النمل والصراصير

قبل شهرين اشتريت سكانر وبالعربي الفصحة ماسح ضوئي للصور واول ما اشتريته كنت فرحان .. أي ورقة ألقاها أدخلها على السكانر وهاذا وانا في لب فرحتي ألقى نملة قاعدة تتمشى بالغرفة ..
الظاهر إنها بتعمل شوبينج .. وأنا اخذها واحطها بالسكانر واكبر صورتها 1600 يعني اكبر حجم والقى الجهة اليمنى عندها فيها ورم .. وأنا أسوي قص للجلد وألقى الكلوة رايحة فيها .. وأنا حاطط ايدي عند الشباك بالغرفة اجيب نملة ثانية وادخلها بالسكانر وأحطها في برنامج اسمه سبيكنج وأقول لها ممكن تتبرعي بكلوة لمريضة في حالة خطرة ..
قالت : الله يسامحك .. أنا هسا رايحة على المستشفى عشان أسوي علاج كلوي ..
صوريت أقول : لا حول ولا قوة إلا بالله .. هسا صار عندي نملتين فيهم فشل كلوي ..
ورديت طليت من الشباك وعند هالشباك شوفيت كمان نملة – بس هالمرة عندي عدسة مكبرة – بس هذه النملة منتفة وقاعدة لحالها

اخذتها وحطيتها بالسكانر ودخلتها على برنامج سبيكنج , وقولتلها لو سمحت ممكن سؤال ؟

قالت : امرك ؟!

قلت : ليش قاعدة لحالك ؟

قالت : انا فقيرة ودايما اشحد من النمل بس بالاخر طردوني من القرية

قلت : شو رايك اعطيك شوال سكر ؟

قالت : والله انك قدها وقدود

قلت : بس على شرط ؟!!!

قالت : اطلب يا باشا

قلت : تتبرعي بوحدة من كلاويك لنملة موجودة عندي!

قالت : okوانا افتح بطنها واسوي لكلوتها قص وانسخ منها ثنتين واعطي وحدة للنملة القديمة ووحدة للنملة الجديدة .

وزبطت العملية وكل شي تمام .. ولما اجا الليل روحيت اسوي شاي بس ما لاقيت سكر .. روحيت للنملة وقولت لها : بحياتك اعطيني شوية سكر ..

قالت : طيب بس ..

قلت : تسلمي على كل حال ..

قالت : بشرط ؟

قلت : وشو هو الشرط ؟

قالت : اليوم جايين عندي نمل من دار جيرانكم وبدي اخليهم يتفضلوا عندك في البيت ( منتي اخذت كلوتي يعني بيتك هو بيتي صرنا فاملي)

قلت : ما في اي مشكلة .

قالت : طيب اذا هيك خذلك معلقتين سكر ولا تكثر لاني شايفتك هااااا !!

وفي اليوم التالي :

اجين نملات دار جيراني , والنملة بتنادي علي وبتقول اجا النمل وعاملة حالها صاحبة الدار وبالها عن داري مطعم .. وقوليت بعقلي بسيطة ..

بس المشكلة النملة صارت تتامر علي .. وكل شوي تقول لي جيب القهوة جيب الشاي .. وانا رايح جاي .. ولما خلصت العزومة والسهرة قالت وحدة من النملات الي اجين زيارة : بكرة السهرة عندي ..

قامت قالت نملتي : الله يعينيك >>>>يعني موافقة .

وفي اليوم التالي :

راحت نملتي عند جيراننا على الغداء .. وانا قاعد اعيط على حظي في البيت .. وشوي الا القى صرصور ( وصوريت بدي اغني تلفوني بيرن بيرن تررررن تررررن , يعني هذا الي ناقصني..)

قلت للصرصور : شو يا بشع !

قال : نعم ؟

قلت : شو اسمك ؟

قال : شو دخلك ؟

قلت : متاسف اني اتدخلت بخصوصياتك .. بس ممكن طلب ؟

قال : تفضل

قلت : ان قصتي كيت كيت وكيت .. وبدي منك توكل النملة الليلة ؟

قال : خلص قصتك منهية بس في عندي شرط !

قلت : شو الشرط ؟

قال : بدي احجز اسبوع عندكم بالحمام..

قلت : موافق

وبعد شوي وهي النملة جاي وبتغني وبطنها ملان اكل , صارت تقول : بدي انام لي شوي وبعدها بدي اخذلي دوش بالحمام واعمل شعراتي فين واتسبح شوي ..

وانا اقول : امرك انت بس اطلبي .. وبعيني الشمال اغمز الصرصور ..

وفي هذه الاثناء : راح الصرصور لاخوته وقال لهم : الليلة عازمكم على صيدة مزبطة .. ويقومو الصراصير يتخبوا ورا باب الحمام ..

والنملة اول ما قامت من النوم راحت للحمام بدها قال تتسبح ( ولك تعالي لبابا اوباححح احسنلك منتي مش عارفة شو مستنيك) .. وهذول يهجموا عليها هجمة رجل واحد ويوكلوها..

وفي اليوم التالي :

مع زقزقة عصافير الحارة , اسمع قرقعة بالحمام واروح اشوف شو فيه , والقى الصرصور عامل الحمام ملعب ..

اجتني سكتة قلبية..

وانا اقول لازم اتخلص منه باي طريقة .. وبعد تفكير عميق .. دخلت عليهم بكل قوتي .. قام صار يقولي الصرصور : خير يا حبيبي ؟؟؟؟؟؟؟؟ اشوووو فيه ؟؟ مالاك داشع ومش كاشع ؟؟

قلت : اه متاسف بس بدي افتح السيفون خلي الريحة تروح .

قال : ياخي طب انا عاجبتني الريحة وانت مالاك ومالنا !!

قلت : عشاني بحياتك ما تفشلني

قال : يلا بسرعة افتحه وبديش اشوفك بالحارة اخرى مرة .. ساااااامع ؟

وعاد انا قربت شوي شوي على ايد السيفون ولما شوفتهم منهمنكين , بديت اخبط عليهم وسحبت السيفون بكل قوتي , وهذا الصرصور الي عملي المعروف وفوق اللط كفوف عرف يهرب مني ... لحقته وصار يقول : غدرت فييي .. غدرت فيي .. عاد وانا لاحقه .. لف وجهه علي وقام هو لحقني .. هربت منه وصوريت اقوله ابعد عني انا بكره الصراصير , ومرة وحدة فتلت حالي واطلعت عليه تطليعة اجرامية قام خاف وهرب .. وهو يصرخ متاسف ( اسف حبيبتي دا العمر ضاع)..

وبسرعة حملت السكانر وكسرته على راسو وبعدها طبشت السكانر وقوليت السكانر الي بجيك منه الريح كسروا واستريح ..

مياوووو مياوووو .. في بسة على الباب ؟ لااااااااااااااااااااااااااااااااااااااااع !!!! نطيت من الشباك وانكسرت ايدي .. ومين بالكم جاي يزورني ؟؟؟! ابوه للصرصور الي فعصته .. قال شو بسألني , معك تامين ؟ قولتلو لع معي المرارة

» المخلوق الارضي المزدهر ظهر
» الولد لما يسمع صوت بنت , المخلوق الارضي المزدهر
» المخلوق الارضي المزدهر : سروال ستي ضيع عمري
» المخلوق الارضي المزدهر وورطته مع مع ... ’ القبلة ’
» المخلوق الارضي المزدهر يعلم لغة عربية .. انا هومارا انا